ياعمري ترى الدنيا ماتسوى....

ياعمري الدنيا ما تسوى
تنام وخاطرك زعلان
ولا به شي يستاهل
يخلي قلبك يعاني
طلبتك كان لي خاطر
تباعد عنك الاحزان
فديت عيونك الحلوه
تبتسم لو على شاني
حبيبي صار لي مده
اشوفك تايه وحيران
وانا ولله لو شفتك
حزين تزايد احزاني
انا احبك ولا ودي
تعيش بدنيتك ندمان
ترى الايام محسوبه
وتالي العمر فاني
تصدق بسمتك ولله
تفرح خاطري الولهان
يطير من الفرح قلبي
واصير بعالم ثاني
ولمن شفتك بضيقه
احس اني انا الغلطان
اعاتب نفسي بنفسي
ولو ماكنت انا الجاني
غلاك بداخل عروقي
ولا يوصل غلاك انسان
بيمر الوقت وبثبت لك
غلاك ان الله أحياني