كلّي أنكتب وانطبع لأجلك ومن شانـك
أسمي ورسمي وفي عينيـك عنوانـي
لا تاهت خطاي عن دربـك وميدانـك
مأتاه شوق(ن) عرف له شط وموانـي
في بحر دنياك يا من تمـزج ألوانـك
مـع السعـادة وتمزجهـا بالـوانـي
بحمل وجودي معك وأبحر بشريانـك
وأعيش في داخلك و آ كيـد عدوانـي
وأطفـف أكيالهـم وأزيـد ميـزانـك
وأرضيك وارضي هلك وأعاند أخواني
تدري وش اللي يدل الشـوق لعيانـك
ويِسِهر عيونـي إذا طيفـك تضوانـي
هرجك وضحكك وهزلك صدق برهانك
لاقلتنـي نثـر وأنـا أكتبـك ديوانـي
نونك وجفنك مـع رمشـك وحجانـك
تدلنـي لـك وأهـواهـا وتهـوانـي
غمازتـك فالخـدود ولمعـة أسنانـك
صنوان للزين وأنا العشـق صنوانـي
جيدك ووسطـك وأردافـك ورمانـك
أربعة(ن)منك مـا أقواهـا و تقوانِـي
ريحك وروحك وطعمك روعة أحنانك
تعيد ماضي قـد أرويتـه و أروانـي
والعقل والفكر راجـح فيـه ميزانـك
فريد جنسك بحظـران(ن) و بدوانـي
أبدعك ربي وعنـدي اعتلـى شانـك
عليـك منـي سـلام الله ورضوانـي
يموت شعري إذا ماجا علـى لسانـك
ترديدك أبيات نوحـي فيـه سلوانـي
حتى بغيابـك ..معـي تمـد فنجانـك
أنـا أتقهـواك وإلا انتـه تقهـوانـي
دام الغواني سـراب يحيـط شطآنـك
ما ضنتي بلحقة حتـى لـو أغوانـي
ولو تُهتْ كل الأماكن عاشت أزمانـك
دلائلك وألو صـوف تعيـد عنوانـي
السبت مايو 03, 2008 2:06 pm
))
