خاين ولا عندك مشاعر ولا خلاق= همّك تسوي لك علاقه جديده
لاتحسبني بانخدع فيك واشتاق = مثلك مجرد من وصوف(ن) حميده
محسوب بالصوره على بيض الاوراق= ان رحت ولا جيت مانته فقيده
مسكين من حبك وحطك بالاعماق = تراك ماتسوى بقايا جريده
صحيح من قال البشر عندها اذواق= الا القلوب الميتات البليده
اللي يحب يشيل للحب ميثاق = عنده على الميثاق عهد وعقيده
مايستوي فالحب صادق وبواق = ولا اعتبر ماصار فرصه سعيده
الحب ناره جمرها يحرق احراق = تشب في جوف المولع وقيده
ياخذ بعدها خمسة ايام مافاق = في عالم العشاق روحه وحيده
الأحد أبريل 27, 2008 11:54 am
